कोहलपुर । महेन्द्र बहुमुखी क्याम्पस नेपालगन्जले क्याम्पस स्तरीय भलिबल प्रतियोगिताको उपाधि जितेको छ । स्वतन्त्र विद्यार्थी यूनियन बागेश्वरी बहुमुखी पब्लिक क्याम्पस कोहलपुरको आयोजनामा कोहलपुर स्थित बागेश्वरी बहुमुखी पब्लिक क्याम्पसमा आईतबार सम्पन्न भएको प्रतियोगितामा महेन्द्र बहुमुखी क्याम्पसले उपाधि सहित नगद १२ हजार रुपैयाँ र ट्रफि प्राप्त गर्न सफल भएको छ ।
होलिल्याण्ड क्याम्पस नेपालगञ्ज उपविजेता भएको छ । होलिल्याण्डले ट्रफी र ८ हजार नगद पुरस्कार प्राप्त गरेको छ । सो प्रतियोगितामा बाँके जिल्लाका ९ वटा क्याम्पसले सहभागिता जनाएका थिए । यस्तै प्रतियोगितामा उत्कष्ट खेलाडीका रुपमा महेन्द्र बहुमुखी क्याम्पसका रन्जित बि.क.लाई सम्मान गरिएको थियो ।
स्वतन्त्र विद्यार्थी यूनियन बागेश्वरी बहुमुखी पब्लिक क्याम्पस कोहलपुरका सभापति दिनेश केसीको सभापतित्वमा सम्पन्न भएको कार्यक्रममा क्याम्पस प्रमुख, पूर्व क्याम्पस प्रमुखहरु, क्याम्पसका प्राध्यापक, खेलाडी विद्यार्थीहरुको सहभागिता रहेको थियो ।
