काठमाडौं । नेपाली काँग्रेसको संसदीय दलको प्रमुख सचेतकमा बालकृष्ण खाँड नियुक्त भएका छन् ।
संसदमा प्रमुख विपक्षदल नेपाली काँग्रेस संसदीय दलका नेता शेरबहादुर देउवाले आफ्ना सदाबहार सहयोगी खाँडलाई प्रमुख सचेतक नियुक्त गरेका हुन् ।
बाम गठबन्धन सहित अन्य दलको समर्थनमा केपी शर्मा ओली नेतृत्वको सरकारमा रचनात्मक प्रतिपक्षको भूमिका निर्वाह गर्ने महत्वपूर्ण जिम्मेवारीमा खाँण प्रमुख सचेतक नियुक्त भएका छन् । उनी समानुपातिकतर्फबाट प्रतिनिधिसभा सदस्य भएका हुन् । उनी पार्टीको केन्द्रीय सदस्य समेत हुन् । यसअघि प्रमुख सचेतकमा मिनेन्द्र रिजाल र मीन विश्वकर्माको चर्चा चलेको थियो ।
देउवाले यस अघिनै दलको उपनेतामा बिजयकुमार गच्छदारलाई मनोनित गरिसकेका छन् ।
