बाँके । नेपाल ट्रेड युनियन कांग्रेस बाँकेको जिल्ला अधिवेशन उद्घाटन गर्न नेपाली काँग्रेसका पूर्व महामन्त्री प्रकाशमान सिंह भोली १४ गते बुधबार नेपालगन्ज आउने भएका छन् । नेपाली काँग्रेससँग राजनीतिक आस्था राख्ने मजदुरहरुको संगठन नेपाल ट्रेड युनियन कांग्रेस बाँकेको अधिवेसनको प्रमुख अतिथिको रुपमा आउन लागेका हुन ।
भोलीबाट सुरु हुने अधिवेसनले नयाँ जिल्ला कार्यसमिति पनि चयन गर्ने छ । जम्मा ३०५ जना प्रतिनिधि सहभागि हुने छन् भोली नै नयाँ कार्यसमिति चयनको प्रकृया सुरु हुने छ भन्नछन निवर्तमान नेपाल ट्रेड युनियन कांग्रेस बाँके जिल्ला अध्यक्ष शिवप्रसाद पाण्डे । विहान दश बजे देखि सुरु हुने अधिवेसन भेरी प्राविधिक शिक्षालय नेपालगन्जमा संचालन हुने छ ।
