देशभर पछिल्लो २४ घण्टामा १ हजार ६४८ जनामा कोरोना सङ्क्रमण पुष्टि भएको छ । देशभर १० हजार ६१२ वटा आरटीपीसीआर परीक्षणमा सो सङ्ख्यामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै, ४ हजार ३२३ जनाको एन्टिजेन विधिबाट परीक्षण गर्दा ४०४ जनामा सङ्क्रमण पुष्टि भएको छ ।पछिल्लो २४ घण्टामा ३ हजार ३० जना कोरोनामुक्त भएका छन् । नेपालमा निको हुने दर ९३.९ प्रतिशत रहेको छ ।
स्वास्थ्य मन्त्रालयका अनुसार नेपालमा हालसम्म १० हजार ७७० जना कोरोना सङ्क्रमितको मृत्यु भइसकेको छ । पछिल्लो २४ घण्टामा थप २० जनाको मृत्यु भएको छ ।
