बाँकेको ज्ञानोदय बहुमुखी पब्लिक क्याम्पसमा सरस्वती पुजाकाे भव्य तयारीका लागि आज क्याम्पसमा सरसफाइ गरिएको छ । स्वतन्त्र विद्यार्थी युनियन(स्ववियु)काे अगुवाइमा क्याम्पस हातभित्र सरसफाइ तथा पुजा तयारी गरिएको स्ववियु अध्यक्ष विनय यादवले जानकारी दिनु भयो । अध्यक्ष यादवका अनुसार क्याम्पस परिवारले विद्याकाे प्रतिमुर्ति सरस्वती पुजामा दिन स्वच्छ रूपमा मनाउने वातावरणका लागि आज सरसफाइ गरिएको बताउनु भयो ।
ज्ञानोदय बहुमुखी पब्लिक क्याम्पसमा सरस्वती पुजाका लागि आज विद्यार्थी, प्राध्यापक र समाजसेवीकाे सक्रिय सहभागीतामा बृहत सरसफाइ गरिएको छ । सरसफाइ पश्चात् खाल्डा पुर्नका लागि नेकपा (एमाले) का नेता तथा खजुरा वडा न ४ का निवर्तमान वडाध्यक्ष तिलक वीर सुनारले माटो पटान सहयोग गरिदिनु भएको अध्यक्ष यादवले जानकारी दिनु भयो ।
फागुन २ गते सरस्वती पुजाका लागि विशेष कार्यक्रम आयोजना गरिएकोले साे कार्यक्रममा विद्यार्थी, शिक्षक लगायत क्याम्पस परिवार सबैलाई अनिवार्य उपस्थितिका लागि निम्तो गरेको अध्यक्ष यादवले जानकारी गराउनु भयाे ।
