नेपाली कांग्रेसले संसदीय दलको बैठक बोलाएको छ। बैठक आइतबार मध्याह्न १२ बजे नयाँ बानेश्वरस्थित संघीय संसद भवनको ल्होत्से हलमा बस्ने पार्टीको संसदीय दलको कार्यालयले जनाएको छ ।
बैठकमा सरकार, संसद र समसामयिक विषयमा छलफल हुने बताइएको छ। यस्तै प्रधानमन्त्री केपी शर्मा ओलीलाई विश्वासको मत दिन ह्वीप जारी गर्ने बताइएको छ।
प्रतिनिधिसभा बैठक आइतबार दिउँसो १ बजेका लागि बोलाइएको छ।
