धेरैलाई थाहा नहुन सक्छ । लेकाली क्षेत्रमा भने यसको स्वाद मनग्ये लिन पाइन्छ । अहिले गायिका मञ्जु लामाले सेर्गेमलाई गीतमा समेटेकी छिन् । र, यहि सांगीतिक खुराक पस्किएकी छिन् ।
मञ्जुले हालै ‘सेर्गेम’ एल्बम सार्वजनिक गरेकी हुन् । त्यसो त अहिले म्युजिक एल्बमको ट्रेन्ड उस्तो छैन । डिजिटलाइज्ड हुँदै गएको संगीत बजारमा एल्बमको विक्री वितरण ठप्प छ । यद्यपी मन्जुले भने एल्बम निकाल्ने हिम्मत जुटाइन् ।
राजधानीमा तामझामका साथ एल्बम बिमोचन गराइन् । एल्बममा शिरैमा शिरबन्दी, दोधारे च्याङबा, छड्के नजर, छोरीको कर्म, लाहुरे बोलका गीत छन् । गीतमा विश्व दोङ र सूर्य लामाको शब्द तथा संगीत छ । त्यसमध्ये छोरीको कर्म बोलको गीतको म्युजिक भिडियो समेत बनाइएको छ ।
कार्यक्रममा गायिका कुन्ती मोक्तान, संगीतकार सिलाबहादुर मोक्तान, हिपहप गायक निर्णय श्रेष्ठ लगायतको उपस्थिती थियो । एल्बमको घुम्टो उनीहरुले नै उघारेका हुन् । मञ्जुले यसअघि ‘चाहेको मैले’ गीत सार्वजनिक गरेकी थिइन् । अनलाइनखबरबाट
