नेपाल राष्ट्रिय शिक्षक संगठन बाँकेको १२ औं जिल्ला अधिवेशन शनिबार नेपालगन्जमा भएको छ ।
अधिवेशनले वामदेव सुवेदीको अध्यक्षतामा सर्वसहमत नयाँ कार्यसमिति निर्वाचित गरेको छ । उपाध्यक्षमा दानबहादुर बि.सी. महिला उपाध्यक्षमा रेखा धिताल, सचिवमा दिलबहादुर खत्री र कोषाध्यक्षमा ओमप्रकाश पुन सर्वसहमत निर्वाचित हुनुभएको छ ।
शिक्षक संगठन बाँकेका अध्यक्ष एकदेब पन्थीको अध्यक्षतामा भएको अधिवेशनको संगठनका केन्द्रीय अध्यक्ष बाबुराम थापाले उद्घाटन गर्नुभएको थियो ।
सो अवसरमा बोल्दै शिक्षक संगठनका अध्यक्ष थापाले शिक्षा क्षेत्रमा अहिले पनि समस्याहरु रहेको भन्दै त्यसको समाधानका लागि संगठनले दबाबमुलक अगुवाई गर्दै आएको बताउनुभयो ।
उद्घाटन समारोहमा बाँके क्षेत्र नं.३ का प्रतिनिधिसभा सदस्य नन्दलाल रोकाय, प्रदेशसभा सदस्य बाबुराम गौतम, नेकपा एमालेका केन्द्रीय सल्लाहकार देवराज भार र दलबहादुर सुनार, जिल्ला शिक्षा अधिकारी भिमबहादुर साउद लगायतले बोल्नुभएको थियो ।
