कोहलपुर । बाँकेको राप्तीसोनारी गाउँपालिकामा यात्रुवाहक बस दुर्घटना हुँदा १३ जना घाइते भएका छन् । घाईतेमध्ये ६ जनाको अवस्था गम्भीर रहेको छ । बैजापुरबाट नेपालगन्ज आउँदै गरेको ना ३ ख ९७५९ नम्बरको बस अगैयादेखि तीन किलोमिटर पश्चिममा पूर्वपश्चिम राजमार्गमा दुर्घटना भएको हो ।
घाइतेहरुलाई उद्दार गरी उपचारका लागि नेपालगन्ज मेडिकल कलेज शिक्षण अस्पताल कोहलपुर पठाइएको ईलाका प्रहरी कार्यालय कोहलपुरका इन्चार्ज प्रहरी नायव उपरीक्षक यज्ञप्रसाद भट्टराईले जानकारी दिनुभएको छ । दुर्घटनाका कारण बिहान दुई घण्टासम्म पूर्वपश्चिम राजमार्ग पूर्णरुपमा अवरुद्व भएको थियो ।
बसलाई सडकबाट हटाएर राजमार्ग खुलाइएको र घाइतेको उपचारका लागि कोहलपुर मेडिकल कलेजमा पठाइएको छ । सामान्य घाइतेहरुको प्रथामिक उपचार गरी घर पठाइसकेको प्रहरीले जनाएको छ ।
