प्रेस चौतारी नेपालको २० औं स्थापना दिवस भोली नेपालगन्जमा भव्यताका साथ मनाईने भएको छ । 
प्रदेश नं. ५ मा वामगठवन्धनका तर्फबाट प्रस्तावित मुख्यमन्त्री एमाले नेता शंकर पोख्रेलको प्रमुख आतिथ्यमा प्रेस चौतारी नेपाल बाँके शाखाले स्थापना दिवस मनाउन लागेको हो ।
प्रेस चौतारी नेपाल केन्द्रीय कार्यालयले राष्ट्रिय सभा निर्वाचन संहिताका कारण आज नै दिवस मनाए पनि जिल्ला शाखाहरुमा भने भोलीनै विविध कार्यक्रमका साथ स्थापना दिवस मनाउन लागिएको हो ।
एमाले पार्टी कार्यालयमा विहान १० बजे आयोजना गरिएको कार्यक्रममा एमाले नेता पोख्रेलसँग अन्तरक्रियात्मक कार्यक्रम समेत तय भएको प्रेस चौतारी बाँकेका अध्यक्ष हेमन्त बि.क.ले जानकारी दिनुभयो ।
