काठमाडौं, नेकपा एमालेका अध्यक्ष केपी ओलीसँग नेपालका लागि भारतका राजदूत मञ्जिबसिंह पुरीले मंगलवार भेटवार्ता गर्नु भएको छ ।
नेकपा एमाले संसदीय दलको कार्यालयमा भएको भेटमा राजदूत पुरीले सरकार गठनका बारेमा अध्यक्ष ओलीसँग जिज्ञासा राख्नु भएको थियो । अध्यक्ष ओलीले सरकार गठनका लागि सकारात्मक दिशामा पहल भईरहेको र चाँडै नै सरकार गठन हुने बताएको भेटमा सहभागी एमाले नेता राजन भट्टराईले जानकारी दिनु भएको छ । राजदूत पुरीले अध्यक्ष ओलीलाई शिवरात्री पर्वको शुभकामना पनि दिनु भएको थियो ।
