नेपालगन्ज–प्रदेश ५ मा नेकपा एमाले संसदीय दलका नेता शंकर पोखरेल आज मुख्यमन्त्री नियुक्त हुँदै छन्। प्रदेश प्रमुख उमाकान्त झा ले संविधानको धारा १६८ को उपधारा २ बमोजिम वाम गठबन्धनबाट प्रस्ताव गरिएका पोखरेललाई मुख्यमन्त्रीमा नियुक्त गर्नेछन्।
प्रदेश प्रमुखको कार्यालयका सचिव सनदकुमार दवाडीले प्रदेश प्रमुखबाट बुधबार मुख्यमन्त्री नियुक्ति गर्ने र भौली बिहीबार दिउँसो ३ बजे सपथको कार्यक्रम तय भएको जानकारी दिनुभएकौ छ। मुख्यमन्त्रीको सपथकै दिन अरु २ मन्त्रीले पनि सपथ लिनेछन्। एमाले र माओवादी केन्द्रबाट १–१ जनाले सपथ लिने टुंगो लागेको छ। यसअघि आइतबार मुख्यमन्त्रीमा पोखरेललाई नियुक्त गर्न वाम गठबन्धन आबद्ध दल नेकपा एमाले र माओवादी केन्द्रले दाबी पेश गरेका थिए। एमाले र माओवादी केन्द्रको संसदीय दलका नेताले पोखरेललाई मुख्यमन्त्रीमा नियुक्त गर्न प्रदेश प्रमुख उमाकान्त झा समक्ष संयुक्त रुपमा निवेदन दिएका थिए।
