नेपालगन्ज–दैलेख बजारबाट महाबु गाउँपालिकाको गैडावाजतर्फ जाँदै गरेको बोलेरो जीप दुर्घटना हुँदा चारजनाको मृत्यु भएको छ ।
लु १ ज ३५३२ नम्बरको जीप महाबु गाउँपालिका–४ ओखलढुंगामा दुर्घटना भएको हो । दुर्घटना परी महावु ६ का श्रवण शाही, निर्मला शाही , महावु–३ कि निर्मला पाण्डे र वीरेन्द्रनगर नगरपालिका सुर्खेतका तिलक ढकालको मृत्यु भएको जिल्ला प्रहरी कार्यालय दैलेखका डीएसपी सरोज पौडेलले जानकारी दिएका छन् ।
घाइते हुनेहरुमा महावु ५ का एकेन्द्र शाही, गाडी चालक वर्ष २२ को वखत थापा, महावु १ को गाडी मालिक कर्ण मल्ल, नारायण नगरपालिका– २ जहारकोट निवासी वर्ष २१ का रमेश कुमार थापा रहेका छन् ।
मृत्यु भएका मध्ये श्रवण शाही, निर्मला पाण्डे र निर्मला शाही महावु गाउँपालिकामा भएको सव–ओबरसियरको परिक्षा दिनका लागि महावु जाँदैथिए ।
