बाँके । बाँके निर्माण व्यवसायी संघको ८ औं अधिवेसनबाट टेकबहादुर खडका अध्यक्षमा विजयी हुन भएको छ । आफ्ना प्रतिष्प्रर्धि जितेन्द्रबहादुर हमाल भन्दा खड्काले ६ मत बढी पाएर विजयी हुनु भएको छ । जम्मा सदर मतमा टेकबहादुर खड्काले ९६ र हमालले ९० मत प्राप्त गर्नु भएको थियो ।
निर्माण व्यवसायीको व्यवसायीक हत, अधिकार र व्यवसायीक मर्यादाका लागि काम गर्ने संघको १२ गते साधारण सभा र १३ गते निर्वाचन मार्फत आफ्ना पदाधिकारी छनौट गरेको छ । 
संघ १७ सदस्यीय कार्यसमितिमा १५ जना निर्वाचन हुनेमा वरिष्ठ उपाध्यक्षमा लिलाराज उपाध्याय विजयी हुनु भएको छ भने उपाध्यक्षमा टंंकबहादुर खड्का र महासचिबमा दिनकर भट्टराई विजयी हुनु भएको छ । यसैगरी सचिवमा पूर्णबहादुर राना, कोषाध्यक्षमा कुन्जिलाल वर्मा र सहकोषाध्यक्षमा नरेशबहादुर शाही निर्वाचित हुनु भएको छ । बाँके निर्माण व्यवसायीमा २ सय २३ सदस्य रहेका छन् । यो अधिवेस बाट सदस्यमा अजय शर्मा, बालकृष्ण शाह, विजय विक्रम शाह, विनोद जोशी, मदन कुमार अग्रवाल (पप्पु) र मान बहादुर थापा विजयी हुनु भएको निर्वाचन अधिकृत तेजकुमार धितालले जानकारी दिनु भएको छ ।
संंघको दुई जना सदस्यमा नवनिर्वाचित अध्यक्षले मनोनित गर्ने विद्यानमा नै व्यवस्था गरेको छ । १७ औं साधारण सभा र ८ औं अधिवेसन शान्तिपूर्ण तरिकाले सम्पन्न भएको वरिष्ठ उपाध्यक्ष लिलाराज उपाध्यक्ष जानकारी दिनु भएको छ ।
