नेपालगन्ज- बाँकेको सामुदायिक विद्यालय मध्ये कै उत्कृष्ट विद्यालयको परिचय बनाउन सफल ज्ञानोदय नमुना माध्यामिक विद्यालय खजुराले ४० औं वार्षिक उत्सव मनाएको छ ।
खजुरा गाउँपालिका–३ खजुरामा रहेको सो माविले मंगलबार आफ्नो ४० औं बार्षिक उत्सव तथा अभिभावक भेला सम्पन्न गरेको हो । कार्यक्रमको अवसरमा विद्यालयको दुई तले भवन, सिविल ल्याव र पर्खाल उद्घाटन गरीएको छ । कार्यक्रममा विद्यालयको स्मारिका समेत विमोचन गरिएको थियो ।
विद्यालय व्यवस्थापन समितिका अध्यक्ष भक्तबहादुर केसीको अध्यक्षतामा भएको कार्यक्रममा खजुरा गाउँपालिकाका अध्यक्ष किष्मत कुमार कक्षपति, पूर्व राज्यमन्त्री दलबहादुर सुनारले सिविल ल्याव र पर्खालको उद्घाटन गर्दै स्मारिका विमोचन गरेका थिए ।
गाउँपालिकाका अध्यक्ष कक्षपतिले गाउँपालिकालाई शिक्षाको लागि नमूना गाउपालिका बनाइने दाबी गरे । उनले केहि समयदेखि खजुरा क्षेत्र शिक्षामा अव्वल हुदै गएको र केहि सामुदायिक विद्यालयहरु कमजोर अवस्थामा रहेकाले सबै विद्यालयलाई सबल बनाईने योजना गाउँपालिकासंग रहेको बताए ।
बाँकेका जिल्ला शिक्षा अधिकारी भिमबहादुर साउदले जिल्लामा रहेको ७० वटा सामुदायिक विद्यालयहरु भए पनि १५/२० विद्यालयको शैक्षिक अवस्था धेरै राम्रो बन्दै गएको र बाँकि विद्यालयले पनि व्यवस्थित बन्न सफल विद्यालयबाट शिको गर्न थाली रहेको बताए ।
कार्यक्रमलाई सम्बोधन गर्दै शिक्षा अधिकारी साउदले बहुआयामिक रुपले विद्यालयलाई अगाडि बढाउन सक्नुपर्नेमा जोड दिए । साउदले विद्यालयलाई बहुआयामिक रुपले अघि बढाउदा समाज नै सुमार्ग तिर जानेमा विश्वास व्यक्त गरे ।
बार्षिक उत्सवकै अवसरमा विभिन्न प्रतियोगितामा प्रथम द्धितिय र तृतिय आउन सफल विद्यार्थीलाई पुरस्कार वितरण गरीएको थियो । कार्यक्रममा विद्यार्थिले बिभिन्न किसिमका प्रतिभा प्रस्तुत गरेका थिए । विद्यालयमा लामो समयदेखि योगदान पु¥याउने व्यक्तित्वहरुलाई समेत सम्मानित गरीएको ज्ञानोदय नमुना माध्यामिक विद्यालय प्राचार्य ऋषिराम सापकोटाले जानकारी दिए ।
