नेपालगन्ज- नेपालगन्ज उपमहानगरपालिका वडा नं. ४ स्थित समावेशी इंग्लिस स्कूलमा अध्ययनरत कक्षा १० का विद्यार्थीलाई वुधवार एक समारोहका बीच विदाई गरिएको छ ।
कक्षा ९ का विद्यार्थीले आयोजना गरेको कार्यक्रममा प्रमुख अतिथि जिल्ला शिक्षा कार्यालयका विद्यालय निरीक्षक उद्धव श्रेष्ठ र विद्यालय व्यवस्थापन समितिका अध्यक्ष शेरबहादुर खड्काले खादा र अविर लगाएर विदाई गरेका हुन् ।
समावशी स्कूलबाट यो वर्ष ३४ जना विद्यार्थीले एसईई परीक्षा दिदैछन् । समारोहमा कक्षा १० मा अध्ययनरत् छात्रा उपासना बुढाथोकीले विद्यालयको शैक्षिक वातावरण र शिक्षकहरुको मेहनतले आफूहरु उत्साहित भएको बताईन् ।
कार्यक्रममा विद्यालय सञ्चालक सदस्य उषा भण्डारी, प्राचार्य मोहन बि.क. ज्ञानोदय माविका प्राचार्य मोहन थापा, ब्राईटफ्यूचर स्कूलका प्राचार्य स्वामी डाँगी लगायतले शुभकामना व्यक्त गरेको विद्यालयका सञ्चालक सदस्य गोविन्द रेग्मीले जानकारी दिए ।
