चैत्र ३ गतेदेखि हुनेभनेको फुटबल खेल स्थगित

नेपालगन्ज- जिल्ला फुटवल संघ बाँकेको आयोजनामा हरेक वर्ष हुँदै आएको ‘दुर्वोग तेस्रो नेपालगन्ज गोल्ड कप’ निर्धारित समयमा नहुने भएको छ । आयोजकले चैत्र ३ गतेदेखि १० गतेसम्म नेपालगन्ज रंगशालामा नेपालगन्ज गोल्ड कप आयोजना गर्ने तयारी गरेको भए पनि असहज वातावरण तथा प्राविधिक कारणले प्रतियोगिता हुन नसकेको अध्यक्ष भोजराज शाहीले जानकारी दिएका छन् ।
शुक्रबार एक प्रेस बिज्ञप्ती प्रकाशित गर्दै अध्यक्ष शाहीले उक्त प्रतियोगिता आगामी बैशाख महिनामा गरिने जानकारी दिएका छन् । शाहीले जारी गरेको बिज्ञप्तीमा असहज वातारण र प्राविधिक कारणले प्रतियोगिता हुन नसकेको बताए पनि थप खुलाएका छैनन् । प्रतियोगिता आयोजना हुने निर्धारित समय आईपुग्दा प्रतियोगिता स्थगित भएको खुलाउदा आफुहरु दुःखी भएको बिज्ञप्तीमा उल्लेख छ ।