नेपालगन्ज–बाँकेका प्रहरी प्रमुख टेकबहादुर तामाङ चढेको प्रहरी भ्यानलाई नेपालगन्जको धम्वोझीस्थित सुर्खेतरोडमा एम्वुलेन्सले ठक्कर दिएको छ । पुष्पलाल चोक तिर बाट गलत दिशा हुदै धम्बोझी आउदै गरेको मोटरसाईकललाई पक्राउ गर्न खोज्दै गर्दा बिच बाटोमा रोकि राखेको प्रहरी भ्यानलाई एम्वुलेन्सले ठक्कर दिएको हो।
नेपालगन्जबाट विरामी बोकेर कोहलपुरतर्फ तिब्र गतिमा जाँदै गरेको भे१च १८४३ नम्बरको एम्बुलेन्सलाई चालकले नियन्त्रणमा लिन नसक्दा प्रहरी भ्यानसँग ठोक्किन पुगको थियो।
साइरन बजाउँदै आएको एम्बुलेन्सलाई साइड नछोडी प्रहरीले बिच सडकमै भ्यान रोकेकोले दुर्घटना भएको प्रत्यक्षदर्शीले बताएका छन् । गलत दिशाबाट आएको मोटरसाईकल र चालकलाई प्रहरीले नियन्त्रणमा लिएको छ।
एम्बुलेन्समा रहेका बिरामीलाई प्रहरीको भ्यानमा राखी कोहलपुर लगिएको छ। एम्बुलेन्सलाई जिल्ला ट्राफिक प्रहरी कार्यालयमा लागिएको छ । दुर्घटनामा मानवीय क्षति भनै भएको छैन ।
