बाँकेको खजुरा गाउँपालिका वडा नम्बर ४ ले विकास निर्माणका गतिविधि समेटिएको पुस्तक प्रकाशन गरेको छ । पुस्तकको बिहिवार गाउँपालिकाका अध्यक्ष किस्मतकुमार कक्षपतिले विमोचन गर्नुभयो । पुस्तक विमोचनमा गाउँपालिकाका उपाध्यक्ष एकमाया विक, प्रमुख प्रशासकीय अधिकृत बमवहादुर केसी, वडा अध्यक्ष तिलकवीर सुनार, वडा सदस्य योगमाया खनाल, दलबहादुर विसी, वलबहादुर कठायत, नेकपाका नेता सतिश निरौला, झगवहादुर पौडेल, निर्मल खनाल लगायतको सहभागिता रहेको थियो ।
वडाअध्यक्ष सुनारले वडा कार्यालयले वडाबासीको साथ र सहकार्यमा विकास निर्माणको काम गर्दै आएको भन्दै पुस्तकमार्फत गतिविधि सार्वजनिक गरिएको बताउनुभयो ।
