एमाले नेता सुवेदीको निधन

नेकपा (एमाले) लुम्बिनी प्रदेश कमिटी  सदस्य डम्बरराज सुवेदीको आज निधन भएको छ । उहाँले बाँके जिल्लाका विभिन्न विकट र असुविधा भएका विद्यालयमा शिक्षण पेशा गर्नु भएको थियोे । यसका साथै शैक्षिक क्षेत्रमा नेकपा (एमाले)काे संगठन विस्तार गर्ने अग्रणी भुमिका निर्वाह गर्नु भएको थियो ।

उहाँले बाँके जिल्लामा शिक्षकका हक अधिकार र संगठन गर्नेमा महत्त्वपूर्ण भुमिका निर्वाह गर्नु भएको थियोे । शिक्षक सहकारी र नेपाल राष्ट्रिय शिक्षक संगठन बाँकेकाे जिल्ला अध्यक्षमा रहेर काम गर्नु भएको थियोे ।

उहाँका जेठ छाेरा पत्रकारिता क्षेत्रमा कार्यरत हुनुहुन्छ । पत्रकार  महासंघ बाँकेका पूर्व अध्यक्ष  तथा प्रेस चौतारी नेपालका केन्द्रीय सदस्य रुद्र सुवेदी हुनुहुन्छ,  माइला छाेरा बामदेव सुवेदी नेपाल राष्ट्रिय  शिक्षक संगठनका पूर्व जिल्ला अध्यक्ष र हाल केन्द्रीय सदस्य र धम्बाेझी उच्च माध्यमिक विद्यालयका प्रधानाध्यापक हुनु हुन्छ भने कान्छा छाेरा र छाेरी पनि शिक्षण पेशामा कार्यरत हुनु हुन्छ । सुवेदी  परिवारलाई पृती शोक परेको छ ।