महिला टी-२० विश्वकप छनोटमा नेपालले बहराइनलाई हरायो

आईसीसी महिला टी-२० विश्वकप एसिया क्षेत्र छनोटमा नेपालले बहराइनमाथि सानदार जित निकालेको छ ।

शुक्रबार भएको खेलमा नेपालले बहराइनमाथि १० विकेटको सानदार जित निकालेको हो । जितसँगै नेपालको सेमिफाइनल पुग्ने सम्भावना बलियो बनेको छ ।

बहराइनले दिएको ३२ रनको झिनो लक्ष्य नेपालले २.५ ओभरमा बिना विकेटको क्षतिमा भेट्टाएको हो । नेपालका लागि कविता कुँवर १७ र सीता राना मगर २ रनमा अविजित रहिन् । १४ बलको सामना गरेकी कविताले तीन चौका प्रहार गरेकी थिइन् ।

यसअघि मलेसियाको क्वालालम्पुर सेलान्गोर टर्फ क्लबमा टस जितेर ब्याटिङ रोजेको बहराइनले १५.४ ओभरमा सबै विकेट गुमाएर ३१ रनको योगफल तयार पारेको थियो । बहराइनका लागि दिपिका रासंगिकाले ११ रन बनाउनुबाहेक अन्य ब्याटरले दोहोरो अंकमा रन जोड्न सकेनन् ।

नेपालका लागि इन्दु बर्माले ३, खुसी डंगोलले २ तथा कप्तान रुबिना क्षेत्री, कविता कुँवर र पूजा महतोले समान १-१ विकेट लिएका थिए । नेपालले आफ्नो पहिलो खेलमा घरेलु टोली मलेसियालाई ५ रनले पराजित गरेको थियो ।

लगातार दोस्रो जितसँगै नेपालले ४ अंक जोडेको छ । बहराइनलको समान खेलबाट २ अंक छ । नेपाल रहेको समूह ‘ए’ मा बहरान, भुटान, मलेसिया, कतार र यूएई छन् ।

नेपालले आफ्नो तेस्रो खेलमा आइतबार भुटानसँग  प्रतिस्पर्धा गर्नेछ ।

Leave a Reply

Your email address will not be published. Required fields are marked *