गाडी दुर्घटनामा परी हुम्लाको सर्केगाड गाउँपालिका उपाध्यक्षको मृत्यु भएको छ।
सुर्खेतबाट नेपालगन्ज आउदै गर्दा गाडी दुर्घटनामा परी हुम्लाको सर्केगाड गाउँपालिकाका उपाध्यक्ष चन्द्र सिंह कार्की `मुक्ति´को मृत्यु भएको हो। सुर्खेतबाट नेपालगन्ज आउदै गरेको कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका वडा नम्बर–५ को एमाले मोडमा दुर्घटना हुँदा कार्कीको ज्यान गएको जिल्ला प्रहरी कार्यालय सुर्खेतले जनाएको छ।
गाउँपालिकाका अध्यक्ष ठानबहादुर रोकायाका अनुसार दुर्घटनामा गम्भीर घाइते कार्कीलाई उपचारका लागि नेपालगन्ज मेडिकल कलेजमा लगिएको थियो। उनको उपचारका क्रममा राति दुई बजे निधन भएको हाे।
उनी नेकपा (माओवादी केन्द्र)को तर्फबाट हुम्लाको सर्केगाड गाउँपालिकामा उपाध्यक्ष निर्वाचत भएका थिए।
