प्रधानमन्त्री केपी शर्मा ओलीले पारा तेक्वान्दो खेलाडी पलेशा गोवर्धनलाई रु ६५ लाख पुरस्कार सहित सम्मान गरिने बताउनु भएकाे छ उहाँले सामाजिक सञजाल फेसबुक मार्फत साे कुरा सार्वजनिक गर्नु भएकाे छ । नेपाललाई पहिलो पटक ओलम्पिक पदक दिलाउने पलेशालाई हार्दिक बधाई दिदै प्रधानमन्त्री ओलीले सरकारले उहाँलाई दिन लागेको रु ६५ लाख पुरस्कारमा लाग्ने कर छुट गरिने समेत जानकारी दिनु भएकाे छ ।
पेरिस पारा ओलम्पिक २०२४ मा काँस्य पदक प्राप्त गर्ने पारा तेक्वान्दो खेलाडी पलेशालाई नगदसहित सम्मान गरिने भएकाे हाे । पलेशाले गत शुक्रवार फ्रान्सको पेरिसमा भएको पारालिम्पिक्समा के–४४ विधाअन्तर्गत महिला ५७ किलोमुनिको तौल समूहमा काँस्य पदक प्राप्त गर्नु भएकाे थियाे ।।
